منگل، 28 مئی کو یومِ تکبیر کی مناسبت سے ملک بھر میں عام تعطیل منائی جائے گی، یہ وہ دن ہے جب پاکستان نے ایٹمی دھماکے کرکے جوہری طاقت بننے کا اعزاز حاصل کیا تھا۔ اس موقع پر تمام سرکاری و نیم سرکاری دفاتر اور تعلیمی ادارے بند رہیں گے۔ وفاقی حکومت نے دسمبر 2024 کے لیے عام تعطیلات کی اپنی فہرست میں 28 مئی کو پہلے ہی شامل کر لیا تھا، اور اس حوالے سے گزشتہ سال نوٹیفکیشن بھی جاری کیا گیا تھا۔ واضح رہے کہ سندھ حکومت اور پاکستان اسٹاک ایکسچینج نے بھی یومِ تکبیر کے موقع پر 28 مئی کو عام تعطیل کا اعلان پہلے ہی کر دیا تھا۔ اس تاریخی دن کی مناسبت سے ملک بھر میں خصوصی تقریبات، سیمینارز اور ریلیوں کا اہتمام بھی کیا جائے گا۔