گورنر خیبرپختونخوا فیصل کریم کنڈی سے پاکستان ہاکی فیڈریشن کے صدر میر طارق حسین بگٹی کی گورنر ہاؤس میں ملاقات ہوئی۔ ملاقات میں پاکستان ہاکی فیڈریشن کے ڈائریکٹر ایڈمنسٹریشن اینڈ کوآرڈینیشن لیفٹینٹ کرنل ناصر بھی موجود تھے۔ ملاقات میں خیبرپختونخوا میں ہاکی کے فروغ سے متعلق امور زیر بحث رہے۔ صدر ہاکی فیڈریشن نے گورنر کو فیڈریشن کی سرگرمیوں، اہداف اور ہاکی کھیل کی عالمی سطح پر بحالی کے حوالے سے تفصیلی بریفنگ دی۔
خیبرپختونخوا بالخصوص ضلع بنوں، ہاکی کے میدان میں تاریخی اہمیت کا حامل رہا ہے۔ بنوں جیسے پسماندہ ضلع نے ملک و قوم کو سات صدارتی ایوارڈ یافتہ ہاکی کھلاڑی دئیے ہیں۔ ملک بھر بالخصوص خیبر پختونخوا میں ہاکی کھیل کے فروغ کیلئے قابل عمل اقدامات کی ضرورت ہے۔ صوبے میں ہاکی کھیل کے روشن مستقبل کیلئے ٹیلنٹ ہنٹ پروگرامز، کوچنگ کیمپس اور جدید سہولیات کی فراہمی ناگزیر ہے۔ فیصل کریم کنڈی
