پورے ملک کی طرح مردان میں بھی آبادی کا عالمی دن منایا گیا. جس کا مقصد بڑھتی ہوئی آبادی اور اس کی وجہ سے چیلنجز کے حوالے سے آگاہی فراہم کرنا تھا. اس حوالے سے محکمہ بہبود آبادی اور رہنماء فیملی پلاننگ ایسوسی ایشن پاکستان کے باہمی اشتراک سے ڈسٹرکٹ پاپولیشن ویلفیئر آ فس مردان سے سیکٹر ایل شیخ ملتون تک ڈسٹرکٹ پاپولیشن ویلفیئرآفیسر مردان اصغر خان،رہنما ء فیملی پلاننگ ایسوسی ایشن مردان کے منیجر سہیل اقبال کا کا خیل، انچارج آر ایچ ایس سی ڈاکٹر روہیل آراء، ڈ پٹی پاپولیشن ویلفیئرآفیسر زوار صافی اور عمر فاروق کی قیادت میں آگاہی ریلی نکالی گئی. ریلی میں ڈاکٹرز، ایل ایچ ویز، مڈ وائف، لیڈی ہیلتھ وزیٹڑز اور عام افراد نے بڑی تعداد میں شرکت کی۔
آبادی کے عالمی دن کے موقع پر آگاہی سیمینار کا انعقاد کیا گیا۔ جس میں مہمان خصوصی رہنما فیملی پلاننگ ایسوسی ایشن مردان کے منیجر سہیل اقبال کا کا خیل تھے اس موقع پر ڈسٹرکٹ پاپولیشن ویلفیئرآفیسر اصغر خان، ڈاکٹر روہیل آراء اور عمر فاروق نے خطاب کرتے ہوئے کہا کہ اقوام متحدہ نے ہر سال11 جولائی ایک دن مقرر کرکے خاندانی منصوبہ بندی کی اہمیت و افادیت کے متعلق منانے کا مقرر کیا ہے جو ہر سال 11 جولائی کو منایا جاتا ہے جس کا مقصد کمیونٹی میں خاندانی منصوبہ کے فوائد، اہمیت و افادیت اور آبادی کو کنٹرول کرنا ہے تاکہ وسائل کی درست تقسیم ممکن ہو سکے مقررین نے مزید کہا کہ آج کا دن منانے کا مقصد بھی کمیونٹی سطح پر خاندانی منصوبہ بندی کے متعلق آگاہی فراہم کرنا ہے اس لیے کمیونٹی سطح پر خاندانی منصوبہ بندی کے لیے کونسلنگ کرنے کی اشد ضرورت ہے. مقررین کا کہنا تھا کہ جن ملکوں اور قوموں نے خاندانی منصوبہ بندی پر عمل کیا ہے انہوں نے ترقی کی راہیں ہموار کی ہیں اس لیے ہمیں بھی چاہیے کہ آبادی کو کنٹرول کرنے کے لیے خاندانی منصوبہ بندی کے اصولوں کو اپنانا ہوگا۔آخر میں رہنما فیملی پلاننگ ایسوسی ایشن مردان کے منیجر سہیل اقبال کا کا خیل نے بہترین کارکردگی پر ڈسٹرکٹ پاپولیشن ویلفیئرآفیسر اصغر خان کو شیلڈ پیش کی۔
