لوئر مہمند: مہمند سٹوڈنٹس یونین نے دریائے کابل کے کنارے شہید مولانا خان زیب کے نام سے منسوب چھوٹی آزاد لائبریری قائم کر دی۔ افتتاحی تقریب میں سابق ایم پی اے نثار مہمند، پشتو شاعر کاروان مہمند، مشال لائبریری کے مالک نجیب اللہ، مرکزی صدر عمیر ملک، جنرل سیکرٹری آیاز خان، ترجمان رحمت شاہ مومند سمیت بڑی تعداد میں طلبہ و نوجوانوں نے شرکت کی۔ یہ لائبریری علاقے کے اس مقام پر قائم کی گئی ہے جہاں پکنک پوائنٹ کے طور پر سینکڑوں افراد آتے ہیں۔ لائبریری سے وہ لوگ بھی فائدہ اٹھا سکیں گے جو کتابیں خریدنے کی استطاعت نہیں رکھتے۔ شرکاء نے درجنوں کتابیں عطیہ کر کے اس مہم کو کامیاب بنایا۔ یونین کے صدر عمیر ملک نے آئندہ لائبریری خویزئی میں قائم کرنے کا اعلان کیا۔