پشاور: محکمہ سیاحت، ثقافت، آثار قدیمہ و عجائب گھر خیبرپختونخوا نے موسمی حالات اور بارشوں کی پیشگوئی کے پیش نظر فلڈ ایمرجنسی ریسپانس یونٹ قائم کر دیا ہے۔ سیکرٹری ڈاکٹر عبدالصمد کی جانب سے جاری اعلامیے کے مطابق تمام سٹاف کی چھٹیاں منسوخ کر دی گئی ہیں اور عملے کو فوری طور پر ڈیوٹی پر طلب کر لیا گیا ہے۔ایمرجنسی یونٹ خیبرپختونخوا کلچر اینڈ ٹورازم اتھارٹی کے دفتر 1422 میں قائم کیا گیا ہے۔ مختلف اضلاع کے لیے فوکل پرسن بھی مقرر کیے گئے ہیں، جن میں اپر دیر، ایبٹ آباد، مانسہرہ، سوات، اور چترال شامل ہیں۔ سیاحتی پولیس اور ہیلپ لائن کی تعیناتی کو یقینی بنانے اور مقامی انتظامیہ و ریسکیو اداروں کو الرٹ رہنے کی ہدایات بھی جاری کی گئی ہیں۔