خیبرپختونخوا کے گلیشیائی علاقوں میں جھیل پھٹنے کے واقعات کا خطرہ بڑھ گیا ہے۔ ادارے نے اپر اور لوئر چترال، دیر، سوات، اور اپر کوہستان کے عوام کو الرٹ رہنے اور ضلعی انتظامیہ کو حساس مقامات کی نگرانی اور انخلاء کی مشقوں کو یقینی بنانے کی ہدایت کی ہے۔ عوام کو ندی نالوں کے قریب غیر ضروری نقل و حرکت سے گریز اور گاڑیوں کو تیز بہاؤ والے پانی میں لے جانے سے منع کیا گیا ہے۔ ممکنہ صورتحال میں سیاحوں کو بھی احتیاطی تدابیر اپنانے کی ہدایت کی گئی ہے۔ این ایچ اے، ایف ڈبلیو او، اور سی اینڈ ڈبلیو کو سڑکوں کی بروقت بحالی کے لیے ہدایات جاری کر دی گئی ہیں۔