آئی جی خیبر پختونخوا ذوالفقارحمید اور ڈی آئی جی ہزارہ ناصر محمود ستی کے احکامات کی روشنی میں شہدائے پولیس کی لازوال قربانیوں کو خراج عقیدت پیش کرنے کے لیے ڈی پی او ہری پور فرحان خان نے شہدائے ہری پور پولیس کی فیملیز کی ساتھ ملاقات کی۔ اس موقع پر ایس پی انوسٹی گیشن ہریپور جمیل الرحمان سرکل ایس ڈی پی اوز، ڈی ایس پی ہیڈکواٹرزو دیگر افسران بھی موجود تھے۔
ڈی پی او ہری پور نے شہداء کی فیملیز کو درپیش مسائل کے حوالے سے پوچھ گچھ کی اور موقع پر ہی متعلقہ افسران کو مسائل حل کرنے کے احکامات جاری کیے۔ ڈی پی او ہری پور نے شہداء کی فیملیز سے گفتگو کرتے ہوئے کہاکہ خیبر پختونخوا پولیس کی داستان شہیدوں کی لازوال قربانیوں سے بھری ہے۔آئی جی رینک سے لے کر کنسٹیبل تک امن و امان کو قائم رکھنے لیے شہداء نے اپنے خون کا نظرانہ پیش کیا وہ ہمیشہ سنہری حروف میں لکھا جائے گا۔مزید بات چیت کرتے ہوئے کہا کہ ہری پور پولیس شہداء کی فیملیز کے ساتھ شانہ بشانہ کھڑی ہے ۔کسی بھی مسئلہ کی صورت میں میرے دفتر آسکتے ہیں ۔میرے اور دیگر افسران کے دفاتر کے دروازے ہمہ وقت کھلے ہیں
