یونیسکو کے وفد نے سیکریٹری محکمہ سیاحت، ثقافت اور آثار قدیمہ خیبرپختونخوا ڈاکٹر عبدالصمد سے ملاقات کی جس میں تخت بھائی، جمال گڑھی، بریکوٹ اور رانی گٹ جیسے تاریخی مقامات کو یونیسکو کی عالمی ورثہ فہرست میں شامل کرنے کے حوالے سے گفتگو ہوئی۔

ڈاکٹر عبدالصمد نے بریفنگ دی کہ تخت بھائی کا ٹوپوگرافیکل سروے مکمل ہو چکا ہے، بفر زون کے لیے 2000 کنال زمین حاصل کر لی گئی ہے، چار دیواری، میوزیم اور ٹک شاپ کی تعمیر کی منصوبہ بندی مکمل ہے۔ یونیسکو کے وفد نے ان اقدامات کو سراہا اور یقین دلایا کہ ان کوششوں کو آئندہ عالمی سیمینار میں اجاگر کیا جائے گا۔