لکی مروت (نمائندہ خصوصی) – درہ پیزو زکوڑی پریمیئر لیگ سیزن فائیو اپنے شاندار اختتام کو پہنچ گیا، جس میں لکی مروت، ٹانک اور ڈیرہ اسماعیل خان سے تعلق رکھنے والی پچاس سے زائد ٹیموں نے حصہ لیا اور زبردست مقابلے پیش کیے۔
فائنل میچ الغازی کلب غازی خیل اور مروت زلمی ڈیرہ اسماعیل خان کے درمیان کھیلا گیا، جس میں سخت اور سنسنی خیز مقابلے کے بعد الغازی کلب نے کامیابی حاصل کر کے ٹرافی اپنے نام کر لی۔
تقریب کے مہمانِ خصوصی علاقے کی معروف سماجی شخصیت رضا مروت اور ملک یعقوب خان تھے۔ ہزاروں شائقین نے گراؤنڈ میں پہنچ کر کھلاڑیوں کی حوصلہ افزائی کی۔
مہمانوں اور شائقین نے اس عزم کا اظہار کیا کہ مروت کے نوجوان امن کے سفیر ہیں اور علاقے میں بدامنی کی کسی بھی شکل کو قبول نہیں کریں گے۔ انہوں نے کہا کہ آج کے میچ نے یہ ثابت کر دیا کہ مروت کے نوجوان اپنے کھیل کے میدانوں کے ذریعے امن و بھائی چارے کا پیغام دیتے ہیں۔
