ڈسٹرکٹ یوتھ آفیس مردان کے زیرِ اہتمام آج عبدالولی خان یونیورسٹی مردان میں محفلِ نور کے نام سے ایک پروقار اور روح پرور تقریب کا انعقاد کیا گیا۔ تقریب میں حسنِ قرأت، نعتِ رسولِ مقبول ﷺ اور کوئز کے مقابلہ جات منعقد کیے گئے، جن میں طلبہ و طالبات نے بھرپور شرکت کی۔ شرکاء نے اس روحانی محفل کے انعقاد کو سراہتے ہوئے کہا کہ اس طرح کی سرگرمیاں نوجوانوں کی اخلاقی و فکری تربیت میں اہم کردار ادا کرتی ہیں۔ تقریب کے اختتام پر نمایاں کارکردگی دکھانے والے طلبہ و طالبات میں انعامات بھی تقسیم کئے گئے۔ ڈسٹرکٹ یوتھ آفیس مردان نوجوانوں کی ہمہ جہت صلاحیتوں کے فروغ کے لیے آئندہ بھی اسی نوعیت کی مثبت اور تعلیمی سرگرمیاں جاری رکھنے کے عزم کا اظہار کرتا ہے۔