خیبر پختونخوا فوڈ سیفٹی اتھارٹی نے پشاور، مردان اور نوشہرہ میں غیر معیاری خوراک کے خلاف کارروائیاں تیز کر دی ہیں۔ پشاور میں فوڈ اتھارٹی اور ضلعی انتظامیہ نے پھندو روڈ پر مشترکہ کارروائی کرتے ہوئے ایک گاڑی سے 500 کلوگرام سے زائد خراب اور بوسیدہ چکن برآمد کر کے تلف کیا جبکہ ملزمان کے خلاف ایف آئی آر درج کی گئی۔ نوشہرہ روڈ پر پولیس کے ساتھ ناکہ بندی کے دوران ایک گاڑی سے 375 کلوگرام سے زائد ممنوعہ چائنا سالٹ قبضے میں لیا گیا، جو مختلف بازاروں میں سپلائی کیا جانا تھا۔ رسالپور صنعتی زون میں ایک یونٹ پر اچانک چھاپے کے دوران جعلی برانڈڈ مشروبات کی خالی بوتلوں کی بڑی کھیپ برآمد ہوئی. جس کے بعد یونٹ کو سیل اور ملزمان کو گرفتار کر لیا گیا۔ فوڈ سیفٹی ایکٹ کے تحت بھاری جرمانے بھی عائد کیے گئے ہیں۔ ڈی جی فوڈ واصف سعید کے مطابق وزیراعلیٰ سہیل خان آفریدی اور چیف سیکرٹری شہاب علی شاہ کی ہدایات کے مطابق صوبے بھر میں غیر معیاری خوراک کے خلاف سخت کارروائیاں جاری ہیں۔