فیڈرل یوتھ پارلیمنٹ کے زیر اہتمام بدھ کے روز گورنر ہاوس پشاور میں“پاکستان نیشنل ایوارڈز شو”منعقد کیا گیا. تقریب گورنر خیبرپختونخوا فیصل کریم کنڈی نے بحیثیت مہمان خصوصی شرکت کی۔ تقریب میں خیبرپختونخوا اسمبلی میں اپوزیشن لیڈر ڈاکٹر عباداللہ، امریکی قونصل جنرل تھامس ایکرٹ، خواتین اراکین صوبائی اسمبلی، فیڈرل یوتھ پارلیمنٹ کے صدر صلاح الدین، چیئرمین ابرار خلجی، جنرل سیکرٹری ثاقب علی، ملک بھر سے فیڈرل یوتھ پارلیمنٹ کے اراکین، سماجی شخصیات، نوجوان رہنما، مختلف شعبہ ہائے زندگی سے تعلق رکھنے والے افراد شریک تھے۔ تقریب میں گورنر نے تعلیم، صحت، کھیل، سیاحت سمیت دیگر مختلف شعبوں میں نمایاں کارکردگی پر 40 شخصیات کو پاکستان نیشنل ایوارڈ سے نوازا۔ گورنر نے اس موقع پر فیڈرل یوتھ پارلیمنٹ پاکستان کو ملک و قوم کی خدمت کرنے والی شخصیات اعزاز سینوازنے پر خراجِ تحسین پیش کیا، نوجوانوں میں مثبت سرگرمیوں اور امن کے فروغ سے متعلق یوتھ پارلیمنٹ کے کردار کو سراہا۔اخر میں فیڈرل یوتھ پارلیمنٹ کی جانب سے گورنر فیصل کریم کنڈی کو یادگاری اور ڈاکٹر عباد کو بہترین پارلیمنٹرین کی شیلڈ بھی پیش کی گئی۔