صوبے میں آئندہ ہفتے تک دن کے اوقات میں درجہ حرارت معمول سے 6 سے 8 ڈگری سینٹی گریڈ زیادہ رہنے کی پیشگوئی۔ چترال، دیر، سوات، شانگلہ، بونیر اور ملحقہ اضلاع میں 6، 7 اور 9 سے 12 مارچ کے دوران تیز ہواوں اور گرج چمک کے ساتھ بارش کا بھی امکان۔ خشک موسم کے باعث آبی ذخائر اور بارانی علاقوں میں گندم کی فصل کو نقصان کا خدشہ۔ درجہ حرارت میں اضافے سے پانی کی طلب اور بخارات کی شرح بڑھنے کا امکان۔ پی ڈی ایم اے کی ضلعی انتظامیہ کو پیشگی اقدامات اور ہنگامی تیاریوں کی ہدایت۔ سیاحوں کو موسمی صورتحال کے پیش نظر غیر ضروری سفر سے گریز کرنے کی ہدایت۔ دریاؤں اور برساتی نالوں کی نگرانی بڑھانے اور شہریوں کو احتیاطی تدابیر اختیار کرنے کی بھی ہدایت۔ ریسکیو 1122 اور متعلقہ اداروں کو ہنگامی صورتحال سے نمٹنے کے لیے الرٹ رہنے کی ہدایت۔ پہ ڈی ایم اے کا ایمرجنسی اپریشن سنٹر مکمل فعال ہے عوام کسی بھی ہنگامی صورتحال میں پی ڈی ایم اے ہیلپ لائن 1700 پر رابطہ کریں۔