گورنر ہاؤس پشاور میں ایک روزہ رنگا رنگ آرٹ نمائش کا انعقاد کیا گیا۔ گورنر خیبرپختونخوا فیصل کریم کنڈی نے گیسٹ آف آنر نامور فنکار یوسف بشیر قریشی اور پنجاب سوشل پروٹیکشن اتھارٹی کی وائس چئیرپرسن جہاں آراء منظور وٹوکے ہمراہ آرٹ نمائش کا افتتاح کیا۔ گورنر نے آرٹ نمائش میں مختلف یونیورسٹیوں کی طالبات کیجانب سےلگائے گئےمختلف مصنوعات کے اسٹالز کا معائنہ کیا۔ انہوں نے اسٹالز میں خیبر پختونخوا کی ثقافت، روایات پر مبنی تیار کردہ مصنوعات پر طالبات کی حوصلہ افزائی کی۔
آرٹ نمائش میں مختلف فن پاروں،مصنوعات کے ذریعے صوبہ کی بہترین ثقافت کو اجاگر کیا گیا۔ ایسی آرٹ نمائش نوجوانوں کی صلاحیتوں کو سامنے لانے کا بہترین ذریعہ ہے۔ صوبہ میں امن کے پرچار کیلئے صوبہ کا سافٹ امیج اجاگر کرنا وقت کی ضرورت ہے۔ گورنر ہاؤس میں آرٹ نمائش کی میزبانی کرنا میرے لئے باعث فخر ہے۔ فن صرف رنگوں اور تصاویر کا امتزاج نہیں بلکہ ایک زبان ہے۔ ہماری تاریخ، ثقافت، روایات ہماری پہچان ہیں۔ خواتین کی خودمختاری کے بغیر کوئی معاشرہ ترقی نہیں کر سکتا۔ ہمیں معاشرتی و سماجی ترقی کیلئے اپنے نوجوانوں بالخصوص طالبات کو تعلیم، فن، کاروبار میں بھرپور مواقع فراہم کرنے پیں۔ آرٹ گیلریز، ثقافتی مراکز اور تعلیمی اداروں میں ایسی سرگرمیوں کو مکمل تعاون فراہم کریں گے۔ فیصل کریم کنڈی
