جمرود تحصیل کے گورنمنٹ پرائمری سکول میں صفائی اور صحت عامہ کے موضوع پر ایک روزہ آگاہی سیمنار کا کامیاب انعقاد کیا گیا۔ پروگرام کا اہتمام خیبر سٹوڈنٹس ایسوسیشن، نوجوانانِ امورِ خیبر، ڈبل اے سی اور ڈسٹرکٹ ہیلتھ آفیسر کے باہمی اشتراک سے کیا گیا۔ جس کا بنیادی مقصد بچوں میں صفائی، صحت مند عادات اور ذمہ دار شہری ہونے کا شعور پیدا کرنا تھا۔ سیمنار میں سکول کے تمام طلباء نے بھرپور دلچسپی کے ساتھ شرکت کی۔ ٹیم ممبران عالم زیب آفریدی، نائمہ آفریدی، عبد الرحیم آفریدی، ساجد آفریدی اور ماجد آفریدی نے اپنی خدمات پیش کیں۔ پروگرام کے دوران ماجد آفریدی نے طلباء سے خصوصی خطاب کیا اور نہایت سادہ اور مؤثر انداز میں ہاتھ دھونے کا درست طریقہ عملی طور پر سکھایا، جسے بچوں نے نہایت توجہ اور جوش کے ساتھ سیکھا۔ یہ سیمنار نہ صرف بچوں کے لیے ایک معلوماتی اور مفید سرگرمی ثابت ہوا بلکہ صحت و صفائی کے حوالے سے ان کے رویّوں میں مثبت تبدیلی لانے کا ذریعہ بھی بنا۔ منتظمین نے اس عزم کا اظہار کیا کہ آئندہ بھی اسی جذبے کے ساتھ کمیونٹی اور تعلیمی اداروں میں صحت و صفائی کے متعلق آگاہی پروگرامز کا سلسلہ جاری رکھا جائے گا۔