حکومت پاکستان کی جانب سے یکم نوبر کی ڈیڈلائن ختم ہونے کے بعد پاکستان کے مختلف شہروں میں غیر قانونی طور پر رہائش پذیر افغان شہریوں کے خاندانوں کا ضلع خیبر لنڈی کوتل حمزہ بابا مزار کے ساتھ قائم انٹری پوائنٹ کیمپ میں رجسٹریشن جاری ہیں۔
سرکاری ذرائع کے مطابق پاکستان کے مختلف شہروں سے غیر قانونی طور پر رہائش پذیر افغان شہریوں کو ضلع خیبر لنڈی کوتل انٹری پوائنٹ کیمپ میں رجسٹرڈ ہونے کے بعد طورخم بارڈر کے راستے افغانستان جانے کی اجازت دی جائے گی۔ لنڈی کوتل انٹری پوائنٹ کیمپ میں افغانستان جانے والے افغان خاندانوں کے لئے نادرہ موبائل وین کے زریعے ڈیٹا حاصل کیاجارہا ہیں جبکہ چیکنگ کے لئے کسٹم ایف آئی اے اور دیگر اعلیٰ حکام کا عملہ بھی موجود ہیں۔
ذرائع نے مزید بتایا کہ لنڈی کوتل انٹری پوائنٹ کیمپ میں افغانستان جانے والے والے خاندانوں کو فلائنگ کوچز گاڑیوں کے زریعے طورخم بارڈر پہنچا دیا جائے گا جہاں سے وہ بارڈر کراس کر کے افغانستان جائیں گے۔ ضلع خیبر لنڈیکوتل حمزہ بابا مزار کے ساتھ افغانستان جانے والے خاندانوں کے قائم انٹری پوائنٹ کیمپ میں سیکورٹی کے لئے ایف سی اور پولیس کے جوانوں کی بھاری نفری تعینات کر دی گئ ہیں۔ پی ڈی ایم اے حکام کی جانب سے لنڈی کوتل میں افغانستان جانے والے افغان خاندانوں کے لئے قائم انٹری پوائنٹ کیمپ میں ان خاندانوں کو جوس بسکٹ اور پانی فراہم کیا جا رہا ہے۔
