آل خیبر پختونخوا فل کنٹکٹ کراٹے چیمپئن ٹرافی کے مقابلے اختتام پزیر

پشاور میں آل خیبر پختونخوا فل کنٹکٹ کراٹے چیمپئن ٹرافی مقابلے اختتام پزیر ہوئی جس میں صوبے کے مختلف اضلاع سے ٹیموں نے حصہ لیا۔مقابلے چار ویٹ کٹیگری میں ہوۓ(1) 45 کلو گرام میں ہیڈ کوارٹر TVC کے سجاد حسین۔ (2) 55کلو گرام میں ہری پور کے اول خان (3) 65 کلو گرام میں مندنی ہری چند کے کامران خان (4)اوپن ویٹ میں ہیڈ کوارٹر TVC کے حمزہ خان چیمپئن قرار پائیں۔انٹرنیشنل ریفری صاحبزادہ الهادی نے سپر یم جج کے فرآئض انجام دیئے۔کیپیٹل سٹی گورنمنٹ پشاور کے میئر حاجی زبیر علی تقریب کے مہمان خصوصی تھے انکے ہمراہ سابق صوبائی وزیر مولانا امان اللہ حقانی اور صوبائی اسویسی ایشن کے سینئر نائب صدر شاہد درانی بھی موجود تھے حاجی زبیر علی نے کامیاب کھلاڑیوں میں انعامات تقسیم کئے۔تقریب سے خطاب کرتے ہوئے میئر پشاور نے کہا کہ نوجوان کھلاڑی ہمارے ملک کا قیمتی سرمایہ ہیں انکو تمام تر سہولیات فراہم کرنے کیلئے بھر پور اقدامات کررہے ہیں۔ میئر پشاور نے نوجوانوں کو پیغام دیتے ہوئے کہا کہ آپ تنہا نہیں ہیں بس ان میدانوں کو آباد کریں جنہیں سازشوں کے ذریعے ویران کیا جا رہا ہیں، میئر پشاور نے فل کنٹکٹ کراٹے ایسوسی ایشن کی کاوشوں کو سراہا اور انکی حوصلہ افزائی کے لیے ایک علیحدہ اكیڈمی قائم کرنے، اور ساتھ سامان اور مالی امداد فراہم کرنے کا بھی یقین دہانی کروائی گئی۔