ضم اضلاع میں ترقیاتی اقدامات کیلئے سٹیئرنگ کمیٹی کے قیام کی منظوری

وزیراعظم پاکستان نے خیبرپختونخوا کے ضم اضلاع میں تیز تر ترقیاتی اقدامات کیلئے سٹیئرنگ کمیٹی کے قیام کی منظوری دیدی۔ گورنر خیبر پختونخوا فیصل کریم کنڈی سٹیئرنگ کمیٹی کے رکن تعینات، کمیٹی میں ضم اضلاع سے چار اراکین قومی اسمبلی اور دو اراکین صوبائی اسمبلی بھی شامل ہیں۔ ڈپٹی چیئرمین پلاننگ کمیشن سٹیئرنگ کمیٹی کے چیئرمین مقرر کئے گئے۔ ضم اضلاع میں اے ائی پی کے 80 فیصد فنڈز سٹیئرنگ کمیٹی کے ذریعے استعمال کیے جائینگے۔ سٹیئرنگ کمیٹی کو ضم اضلاع میں ضرورت کی بنیاد پر ترقیاتی کاموں کی نشاندہی اور ترقیاتی منصوبوں کو تجویز کرنے کا مینڈیٹ دیا گیا ہے۔ وزیر اعظم کی منظوری کیبعد محکمہ منصوبہ بندی، ترقی و خصوصی اقدامات اسلام آباد کیجانب سے ضم اضلاع کیلئے اسٹئیرنگ کمیٹی کی تشکیل کا باقاعدہ اعلامیہ جاری کر دیا گیا۔