پاکستانی جیولن تھرو کے ماہر اتھلیٹ ارشد ندیم نے ایشین ایتھلیٹکس چیمپئن شپ 2025 میں شاندار کارکردگی کا مظاہرہ کرتے ہوئے گولڈ میڈل جیت لیا، جس سے پاکستان نے 52 سال بعد یہ اعزاز دوبارہ حاصل کیا۔

وزیراعلیٰ خیبر پختونخوا علی امین گنڈاپور نے اس تاریخی کامیابی پر ارشد ندیم کو دلی مبارکباد دیتے ہوئے کہا کہ “ارشد ندیم نے فائنل میں غیر معمولی کارکردگی دکھا کر قوم کا سر فخر سے بلند کر دیا۔ یہ دن پاکستان کے لیے باعثِ فخر ہے۔”

اسی موقع پر گورنر خیبر پختونخوا فیصل کریم کنڈی نے بھی ارشد ندیم کو سراہتے ہوئے کہا کہ “ارشد ندیم نہ صرف پاکستان بلکہ پوری دنیا میں کھیلوں کے میدان میں ہمارے روشن چہرہ ہیں۔ 52 سال بعد یہ ٹائٹل واپس پاکستان آنا ملک و قوم کے لیے ایک بڑا اعزاز ہے۔”

وزیراعلیٰ اور گورنر دونوں نے ارشد ندیم کی مزید کامیابیوں کے لیے نیک خواہشات کا اظہار کیا اور کہا کہ پوری قوم اس قابلِ فخر لمحے پر ارشد ندیم کو سلام پیش کرتی ہے۔