ریاض: سعودی عرب کے دارالحکومت ریاض میں جاری اسلامک یکجہتی گیمز میں پاکستانی جیولن تھرو اسٹار ارشد ندیم نے گولڈ میڈل اپنے نام کر لیا۔

ارشد ندیم نے 83.05 میٹر کی تھرو کے ساتھ مقابلے میں سبقت حاصل کی، جبکہ پاکستان کے ہی یاسر سلطان کانسی کا تمغہ جیتنے میں کامیاب رہے۔ ارشد ندیم نے اپنی پہلی تھرو میں 75.44 میٹر کا فاصلہ عبور کیا، دوسری باری میں 83.05 میٹر کی سب سے بڑی تھرو کی، تیسری باری میں 82.48 میٹر کی تھرو کی، چوتھی باری میں کامیابی نہ ملی اور پانچویں باری میں فاؤل کی وجہ سے تھرو شمار نہیں ہوئی۔

ارشد ندیم نے اس سے قبل اولمپکس، کامن ویلتھ گیمز، ایشین گیمز اور ورلڈ ایتھلیٹکس چیمپین شپ میں بھی تمغے جیتے ہیں، جس سے ان کی عالمی کارکردگی کو مزید تقویت ملی ہے۔