ضلع خیبر تھانہ علی مسجد حدود لالاکنڈو چیک پوسٹ حملے میں شہید ہونے والے مجیب الرحمن کی نماز جنازہ شاہ کس پولیس لائنز خیبر میں پورے سرکاری اعزاز کے ساتھ ادا کردی گئی۔ خیبر پولیس لائنز شاہ کس میں ہونے والے نماز جنازہ میں ڈی پی او خیبرسلیم عباس کلاچی سمیت سیکیورٹی فورسز، ضلعی انتظامیہ کے افسران اور مختلف مکتب فکر اور شہداء کے لواحقین نے شرکت کی۔
پولیس کے چاق و چوبند دستے نے شہید کو سلامی پیش کی، ڈی پی او نے شہید کے ورثا اور دیگر لواحقین سے تعزیت کرتے ہوئے شہید کی جرات و بہادری اور پیشہ ورانہ خدمات پر زبردست الفاظ میں خراج عقیدت پیش کی۔
