All posts by : Webdesk

ایبٹ آباد:  ڈسٹرکٹ بار ایبٹ آباد کے زیر اہتمام سردار سمیع اللہ خان دلزاک میموریل فائیو سائیڈ فٹبال ٹورنامنٹ کے فائنل میں ڈسٹرکٹ بار مانسہرہ نے میدان مار لیا ۔

منگل کے روز ڈسٹرکٹ بار گراؤنڈ میں ینگ لائرز مانسہرہ اور ایبٹ آباد بار کی ٹیموں کے درمیان معرکہ ہوا ،سنسنی خیز مقابلہ کے بعد ینگ لائرز مانسہرہ بار کی ٹیم نے کامیابی سمیٹ لی ۔فائنل کے میچ میں مہمان خصوصی ڈپٹی اٹارنی جنرل سید شاہد حسین شاہ تھے ۔

ڈسٹرکٹ بار کے گراؤنڈ میں ینگ لائرز مانسہرہ کی ٹیم نے تین گول سے برتری حاصل کی جب کہ ڈسٹرکٹ بار کی ٹیم دو گول کرسکی ۔پانچ دو کے مقابلہ میں مانسہرہ ینگ لائرز کے کھلاڑیوں نے دوسرے ہاف میں تین گول کرکے مد مقابل ٹیم کو شکست سے دوچار کیا ۔میچ کے اختتام پر مہمان خصوصی ڈپٹی اٹارنی سید شاہد محمود نے ینگ لائرز مانسہرہ کی جیتنے والی اور ڈسٹرکٹ ایبٹ آباد کی دوسرے نمبر والی ٹیم میں ٹرافیز اور سپورٹس کمیٹی کے اراکین اور مہمان خصوصی کو شیلڈ تقسیم کیں اور سپورٹس کمیٹی کے لئے 20ہزار نقد انعام کا اعلان کیا۔

چارسدہ: شبقدر پولیس کی بڑی کارروائی،دہشت گردی کا بڑا منصوبہ ناکام  بنا دیا گیا جبکہ دو دہشت گرد  بھی گرفتارکرلیئے گئے۔

پولیس کےمطابق گرفتار دہشت گردوں کا تعلق کالعدم تنظیم سے ہے۔  ۔دہشت گروں کے قبضے سے 10کلوبارود،93فٹ پرائما کارڈ،2عدد آر پی جی7 گولے بمعہ 3عدد آر پی جی7 کارٹیجر،6فٹ سیفٹی فیوز،3عدد ڈیٹونیٹر ،3عدد ریسیور جبکہ 3عدد ہینڈ گرنیڈ برآمد کیئے گئے ہیں

پولیس کا کہنا ہے کہ گرفتار دہشت گرد چارسدہ میں تخریب کاری کے کارروائیوں میں بھی ملوث رہے ہیں۔

نگران وزیر اعلی خیبر پختونخوا محمد اعظم خان نے ضلع خیبر کے علاقہ لنڈی کوتل میں لشمینیا کے پھیلاو کا نوٹس لے لیا۔

وزیر اعلیٰ کی سیکرٹری صحت کو فوری طور علاقے میں خصوصی میڈیکل ٹیمیں بھیجنے کی ہدایت۔

وزیر اعلی نے ہدایت کی کہ  متاثرہ علاقوں میں بیماری کے مزید پھیلاو کو روکنے کے لئے ہنگامی بنیادوں پر اقدامات اٹھائے جائیں۔

بیماری سے متاثر ہونے والوں کو مقامی سطح پر علاج معالجے کی فراہمی کے لئے فری میڈیکل کیمپس قائم کئے جائیں اورمقامی آبادی کو لشمینیا سے بچانے کے لیے آگاہی مہم شروع کی جائے۔

متاثرہ علاقوں میں اس بیماری کی روک تھام کے لئے اٹھائے جانے والے اقدامات سے متعلق رپورٹ پیش کرنے کی بھی ہدایت کی گئی ہے۔لشمینیا کے موثر تدارک کے لئے تمام دستیاب وسائل بروئے کار لائے جائیں۔

پشاور: ریڈیو پاکستان پشاور کی 88ویں سالگرہ کی مناسبت سے ریڈیو پاکستان پشاور میں خصوصی تقریب منعقد ہوئی جس کے مہمان خصوصی وزیر اعلی کے مشیر برائے ریونیو جناب پیر سید ہارون شاہ تھے۔

ریڈیو پاکستان پشاور تاریخی اہمیت کا حامل ہے ۔ریڈیو پاکستان پشاور 6مارچ 1935 کو پشاور سیکرٹریٹ کے ایک کمرے میں قائم ہوا ۔ بعد ازاں 16 جولائی 1942 کو خیبر روڈ پر تعمیر کردہ اپنی پہلی پختہ عمارت میں منتقل ہوا اور قیام پاکستان کا اعلان بھی اسی براڈ کاسٹنگ ہاؤس سے ہوا۔

وزیر اعلی کے مشیر اطلاعات جناب پیر سید ہارون شاہ نے  اس موقع پر 88ویں سالگرہ کی مبارکباد دیتے ہوئے کہا کہ ریڈیو پاکستان وطن عزیز میں اطلاعات کی فراہمی کا سب سے اہم اور عوامی زریعہ ہے ۔

دیگر مہمانوں نے بھی اپنے خطاب میں ریڈیو پاکستان پشاور کے پروگرامز اور تاریخی کردار کے حوالے سے معلوماتی گفتگو کی۔ مہمانان خاص میں سابق سٹیشن ڈائریکٹر جناب لیاقت سیماب ، سابق ڈپٹی کنٹرولر جناب مشتاق شباب ، معروف شاعر ادیب ناصر علی سید ، ڈاکٹر اباسین یوسفزئی ، ڈاکٹر عدنان۔ سرور، کنٹرولر ریٹائرڈ پی ٹی وی جناب طاہر محمود اور دیگر مہمانان شامل تھے ۔ تقریب میں ریڈیو پاکستان پشاور سے وابستہ آرٹسٹوں نے کثیر تعداد میں شرکت کی۔

ضلع مہمند: فرنٹیر کور نارتھ،سپورٹس ڈیپارٹمنٹ اور ضلعی انتظامیہ کے زیر اہتمام پاکستان سپورٹس فیسٹیول کی رنگا رنگ افتتاحی تقریب کا انعقاد،20 مارچ تک جاری رہنے والے فیسٹیول میں کرکٹ،والی بال،فٹ بال،جمناسٹک سمیت دوسرے کھیلوں کے مقابلے ہونگے،کمانڈنٹ مہمند رائفلز کرنل فرقان شبیر (تمغہ بسالت)تقریب کے مہمان خصوصی تھے۔اس موقع پرڈپٹی کمیشنرڈاکٹر محمد احتشام الحق بھی موجود تھے۔

ضلع مہمند کے ہیڈکوارٹر غلنئ کیپٹن روح اللہ شہید سٹیڈیم میں فرنٹیئر کور نارتھ،سپورٹس ڈیپارٹمنٹ اور ضلعی انتظامیہ کے زیر اہتمام کیپٹن روح اللہ شہید سٹیڈیم میں پاکستان سپورٹس فیسٹیول کی رنگا رنگ افتتاحی تقریب کا انعقاد کیا گیا،20 مارچ تک جاری رہنے والے فیسٹیول میں کرکٹ،والی بال،فٹ بال،جمناسٹک سمیت دوسرے کھیلوں کے مقابلے ہونگے،کمانڈنٹ مہمند رائفلز کرنل فرقان شبیر(تمغہ بسالت) تقریب کے مہمان خصوصی تھے،تقریب میں ڈپٹی کمشنر ڈاکٹر احتشام الحق،اے سی اپر سجاد آفریدی،سپورٹس آفیسر سعید اختر.ناظم اعلی حافظ تاج ولی سمیت مشران،کھلاڑیوں اور طلباء نے کثیر تعداد میں شرکت کی،اس موقع پر قومی ٹرانس پیش کیا گیا اور مختلف ٹیموں نے مارچ بھی کیا اس موقع پر جمناسٹک کے مظاہرے بھی پیش کئے گئے اور چترالی رقص پیش کیا گیا.

تقریب سے خطاب کرتے ہوئے ڈپٹی کمشنر ڈاکٹر احتشام الحق نے بہترین تقریب کے انعقاد پر منتظمین کو داد دی اور کہا کہ گزشتہ سخت حالات میں یہاں کے عوام نے بہت قربانیاں دی ہے اور اج یہاں پر امن کی فضا قائم ہے یہ سب اسی قربانیوں کا ثمر ہے،انہوں نے کہا کہ اس قسم کی مثبت سرگرمیاں تسلسل کے ساتھ جاری رہے گی اور ضلعی انتظامیہ اس میں اپنا کردار ادا کرتی رہے گی۔
تقریب کے مہمان خصوصی کمانڈنٹ مہمند رائفلز کرنل فرقان شبیر نے اپنے خطاب میں منتظمین اور مشران کا شکریہ ادا کیا اور کہا کہ بچے ہمارا مستقبل ہے اور اس کے مستقبل کو سنوارنے اور انکو مواقع فراہم کرنے کےلئے تمام ادارے مل کر اپنا کردار ادا کرے گی انہوں نے کہا کہ کھیل صحت اور دماغ کی نشونما کےلئے انتہائی اہم ہے اور تمام نوجوان کھیلوں میں حصہ لے تاکہ وہ کسی بھی قسم کی غلط سرگرمی کا حصہ نہ بنیں۔انہوں نے اس قسم کی سرگرمیوں میں ایف سی کی جانب مکمل تعاون کا یقین دلایا،انہوں نے تحصیل کی سطح پر کامیاب ہونے والے ٹیمز کےلئے نقد انعامات کا اعلان بھی کیا۔۔

صوابی: گجوخان میڈیکل کالج ایم ٹی آئی صوابی میں سوشل ویلفیئرسوسائٹی کے زیر اہتمام دوسرا سالانہ کتب میلے کا انعقاد کیا گیا کالج لان میں منعقدہ کتب میلے میں شعبہ طب سے متعلق کتابوں کے مختلف اسٹالزلگائے گئے جس میں میڈیکل کے طلبہ نے بڑھ چڑھ کر حصہ لیا۔چیئرمین سوشل ویلفیئر سوسا ئٹی ڈاکٹر آصف کمال کے مطابق کتب میلے کا مقصد میڈیکل کے طلبہ کو طب کی کتابیں کم قیمت پر فراہم کرنا تھا۔
ڈین چیف ایگزیکٹیوپروفیسر ڈاکٹر شمس الرحمن نے دیگر فیکلٹی ممبران کے ہمراہ کتب میلے کا دورہ کیا اور کتابوں کا معائنہ کیا انہوں نے سوشل ویلفیئر سوسائٹی کی کاوش کو سراہا۔ انہوں نے بتایا کہ دور جدید میں کتب بینی کا شوق معدوم ہوتا جارہا ہے لیکن میڈیکل فیلڈ سے وابستہ طلبہ کے لئے کتابوں کا مطالعہ انتہائی ضروری ہے۔
کتب میلے میں کتابوں کے اسٹال کے علاوہ کھانوں کے اسٹالز بھی لگائے گئے تھے جسے حاضرین نے خوب سراہا۔ کتب میلے کے کامیاب انعقادکرنے والے اورسوشل ویلفیئر سوسائٹی کے دیگرممبران کو تعریفی اسناد بھی دئے گئے۔ کتب میلے میں نہ صرف گجو خان میڈیکل کالج کے طلبہ نے حصہ بلکہ صوابی کے چار نرسنگ کالجز کے طلبا و طالبات نے بھی کتب میلے کا رخ کیا اور اپنی من پسند کتابیں لیں۔