بیڈمنٹن گرلز سمر ٹریننگ کیمپ ایبٹ آباد میں اختتام پذیر ہوگئی
بیڈمنٹن گرلز سمر ٹریننگ کیمپ ایبٹ آباد سپورٹس کمپلیکس میں اختتام پذیر ہوگئی اس موقع پر کمشنر ہزارہ ظہیر السلام نے کھلاڑیوں میں ٹرافیاں اور سرٹیفکیٹس تقسیم کئے ان کے ہمراہ ڈی ایس او ایبٹ آباد جنید رحمان، ڈسٹرکٹ بیڈمنٹن ایسوسی ایشن کے سیکرٹری محمد شاکر بیڈمنٹن لیول ون کوچ مس بشریٰ سمیت دیگر شخصیات موجود تھیں،کمشنر ہزارہ کی خصوصی ہدایت پر ڈسٹرکٹ سپورٹس آف ایبٹ آباد کے تعاون سے منعقدہ گرلز سمر ٹریننگ کیمپ گزشتہ روز اختتام پذیرہوگئی کیمپ میں پچاس سے زائد خواتین کھلاڑیوں نے لیول ون کوالیفائیڈ کوچ بشریٰ سے ٹریننگ حاصل کی۔ کیمپ میں شریک کھلاڑیوں کو تھیوری کے علاوہ فزیکل فٹنس اور مختلف سکلز کے متعلق آگاہ کیا گیا ان کے درمیان میچزبھی کرائے گئے جس کے انفرادی مقابلوں میں سپنا نے پہلی حلیمہ نے دوسری پوزیشن حاصل کی ڈبلز میں حلیمہ اور لائبہ نے سپنا اور مروا کو دو صفر سے شکست دی، انڈر11 فائنل میں ماہور آفریدی نے بشریٰ کامران کو دو صفر سے ہراکر پہلی پوزیشن اپنے نام کی۔ اس موقع پر ڈائریکٹریٹ آف سپورٹس خیبرپختونخوا کی فیمیل بیڈمنٹن کوچ بشریٰ اور بیڈمنٹن سیکرٹری محمد شاکرنے کمشنر ہزارہ ظہیر السلام کا شکریہ ادا کیا جن کے تعاون سے کیمپ کے کامیاب انعقاد سے خواتین کھلاڑیوں کو بھی سیکھنے کا مواقع فراہم ہوا جو کہ خوش آئندا قدم ہے جس سے نئے ٹیلنٹ کو بہت فائدہ ہوگا انہوں نے کہا کہ اس قسم کے کیمپس لگنے چاہیئے تاکہ نئے کھلاڑی ابھر کر سامنے آسکیں۔آخر میں مہمان خصوصی کمشنر ہزارہ ظہیرالسلام نے کیمپ میں شریک کھلاڑیوں میں انعامات تقسیم کئے۔
