چیف آف آرمی اسٹاف فیلڈ مارشل سید عاصم منیر، نشانِ امتیاز (ملٹری) نے سیاسی قیادت، مسلح افواج کے غیر متزلزل عزم اور معرکہ حق و آپریشن بنیان مرصوص کے دوران پاکستانی عوام کے ناقابلِ شکست جذبے کے اعزاز میں عشائیہ دیا۔
اس معزز تقریب میں صدرِ پاکستان جناب آصف علی زرداری، وزیراعظم جناب محمد شہباز شریف، نائب وزیراعظم/وزیرِ خارجہ، چیئرمین سینیٹ، اسپیکر قومی اسمبلی، وفاقی وزراء، گورنرز، وزرائے اعلیٰ، چیئرمین جوائنٹ چیفس آف اسٹاف کمیٹی، چیف آف ایئر اینڈ نیول اسٹاف، بڑی سیاسی جماعتوں کی سینئر قیادت، اعلیٰ سرکاری حکام اور مسلح افواج کے سینئر افسران نے شرکت کی۔
شرکاء نے اس دانشمندانہ قیادت کو خراج تحسین پیش کیا جس نے ایک فیصلہ کن موڑ پر قوم کی رہنمائی کی، مسلح افواج کی جرات اور قربانی کو سراہا، اور پاکستانی عوام کی پختہ حب الوطنی کی تعریف کی۔
اپنے خطاب میں چیف آف آرمی اسٹاف نے معرکہ حق کے دوران سیاسی قیادت کی تزویراتی بصیرت پر گہرے تشکر کا اظہار کیا اور آپریشن بنیان مرصوص میں آپریشنل کامیابی کو یقینی بنانے والی ہموار بین الخدماتی ہم آہنگی کو سراہا۔
انہوں نے مزید کہا کہ بھارت کی جانب سے چلائی جانے والی غلط اطلاعات کی مہم کا مقابلہ کرنے میں پاکستانی نوجوانوں اور میڈیا کے غیر متزلزل کردار کو تسلیم کرتے ہوئے انہیں مذموم پروپیگنڈے کے خلاف ‘فولادی دیوار’ قرار دیا۔ آرمی چیف نے پاکستانی سائنسدانوں، انجینئرز اور سفارتکاروں کی نمایاں خدمات کو بھی سراہا، جن کی پیشہ ورانہ مہارت اور عزم تنازع کے دوران انتہائی اہم ثابت ہوئے۔
یہ شام قومی اتحاد اور نئی طاقت و ہم آہنگی کے ساتھ آگے بڑھنے کے اجتماعی عزم کا ایک مضبوط اثبات تھی۔
