ہاتھیان یوتھ پارلیمنٹ کے ایک نمائندہ وفد نے آج ڈپٹی کمشنر مردان ڈاکٹر عظمت اللہ وزیر سے اُن کے دفتر میں ملاقات کی۔ وفد کی قیادت چیئرمین عثمان شاہ مہمند نے کی، جبکہ دیگر اراکین میں وائس چیئرمین سید شوکت ایاز، جنرل سیکریٹری بابر خان، ڈپٹی جنرل سیکریٹری جنید بہادر، سید حبیب شاہ، عادل خان، ایاز خان اور مولانا مفتی محمد ارشاد شامل تھے۔
ملاقات میں وفد نے ریلوے کراسنگ پر عوام کو درپیش مشکلات اور علاقے میں بجلی کی مسلسل لوڈشیڈنگ، خصوصاً ہاتھیان نیو فیڈر کے مسئلے کو اجاگر کیا۔ ڈپٹی کمشنر مردان نے وفد کے مسائل کو نہایت غور سے سنا اور موقع پر ہی متعلقہ افسران سے ٹیلی فونک رابطہ کرتے ہوئے فوری اقدامات کی ہدایت جاری کی۔ انہوں نے وفد کو یقین دلایا کہ ہاتھیان نیو فیڈر کا مسئلہ ترجیحی بنیادوں پر حل کیا جائے گا اور عوام کو جلد ریلیف ملے گا۔
ڈپٹی کمشنر مردان نے نوجوانوں کی عوامی خدمت سے وابستگی اور مثبت کردار کو سراہا اور ان کے ساتھ ہر ممکن تعاون کی یقین دہانی کروائی۔
