ڈیرہ اسماعیل خان کی تاریخ میں پہلی مرتبہ خواتین ڈرائیورز کی آگاہی، رہنمائی اور ان کو درپیش مسائل کے حل کے لیے خواتین ٹریفک وارڈنز کو تعینات کر دیا گیا ہے۔ اس اقدام کا مقصد خواتین ڈرائیورز کو ٹریفک قوانین سے متعلق آگاہی فراہم کرنا، انہیں اعتماد دینا اور دورانِ ڈرائیونگ پیش آنے والے مسائل کو مؤثر انداز میں حل کرنا ہے۔ شہری حلقوں نے اس اقدام کو خوش آئند قرار دیتے ہوئے امید ظاہر کی ہے کہ اس سے خواتین کے لیے ڈرائیونگ مزید محفوظ اور آسان ہو گی۔