ایبٹ آباد: ڈسٹرکٹ سکواش ایسوسی ایشن ایبٹ آباد کے زیر اہتمام پہلی قیصر خان میموریل سکواش چیمپئن شپ جان شیر خان سکواش کمپلیکس میں شروع ہوگئی۔ ٹورنامنٹ کا افتتاح ڈپٹی کمشنر ایبٹ آباد کیپٹن (ر) ثناء اللہ خان نے کیا۔ ٹورنامنٹ میں ضلع ایبٹ آباد کے ٹاپ 32 کھلاڑی حصہ لے رہے ہیں۔ مقابلے ناک آؤٹ سسٹم کے تحت کھیلے جارہے ہیں۔ ٹورنامنٹ ڈائریکٹر سابق ڈی جی اسپورٹس طارق محمود اور سیکریٹری ایسوسی ایشن سید ابرار شاہ نے کہا کہ یہ ایونٹ ضلع میں سکواش کے فروغ کے لیے ایک اہم قدم ہے۔ ڈی سی ایبٹ آباد نے کہا کہ کھیلوں سے نوجوانوں کو مثبت سرگرمیوں کی طرف راغب کیا جا سکتا ہے اور ان کی ذہنی صلاحیتوں میں اضافہ کیا جا سکتا ہے۔