پاکستان اور بنگلادیش کی دفتر خارجہ کا مشاورتی اجلاس آج ڈھاکا میں ہوا۔ مشاورتی اجلاس میں دونوں ممالک کے خارجہ سیکرٹریز نے اپنے اپنے وفود کی قیادت کی۔ مذاکرات میں باہمی دلچسپی اور دو طرفہ تعلقات کو مزید مضبوط بنانے پر غور  کیا گیا۔ آمنہ بلوچ کی بنگلادیش کی عبوری حکومت کے خارجہ امور کے مشیر محمد توحید حسین سے بھی ملاقات  ہوئی۔ پاکستان کے ڈپٹی وزیراعظم اور وزیر خارجہ اسحاق ڈار کا اپریل کے آخری ہفتے میں بنگلادیش کا دورہ متوقع ہے۔