پی ڈی ایم اے نے خیبرپختونخوا کے مختلف اضلاع خصوصاً چترال اپر و لوئر، دیر، سوات اور کوہستان اپر میں شدید بارشوں کے باعث گلیشیائی جھیلوں کے پھٹنے کے امکانات کے پیش نظر الرٹ جاری کر دیا ہے۔

پی ڈی ایم اے نے ضلعی انتظامیہ کو حساس مقامات کی نگرانی، بروقت وارننگ، انخلا کی مشقیں، ایمرجنسی سامان کی تیاری، اور 1700 ہیلپ لائن کو فعال رکھنے کی ہدایت دی ہے۔ عوام کو ندی نالوں کے قریب نہ جانے اور پانی کے بہاؤ میں گاڑیاں نہ لے جانے کی ہدایات جاری کی گئی ہیں۔