سٹی ٹریفک پولیس پشاور کی جانب سے موٹر سائیکل سواروں میں ہیلمٹ اور ہیلمٹ کے استعمال سے متعلق آگاہی پمفلٹس تقسیم
چیف ٹریفک آفیسر ہارون رشید خان اور دیگر افسران نے ہیلمٹ تقسیم کئے
شہریوں میں مفت ہیلمٹ تقسیم کئے گئے جبکہ ان کو ہیلمٹ کے استعمال سے متعلق آگاہی بھی دی جا رہی ہے
آگاہی کا مقصد شہر میں ٹریفک کی روانی یقینی بنانے سمیت ٹریفک حادثات پر قابو پانا ہے
شہری ہیلمٹ کے استعمال کو یقینی بنا کر اپنے سفر کو محفوظ بنا سکتے ہیں، ہارون رشید خان
ہیلمٹ کے استعمال کے بغیر ڈرائیونگ سے قیمتی جان کے ضیاع کا خدشہ ہوتا ہے‘ چیف ٹریفک آفیسر ہارون رشید خان
چیف ٹریفک آفیسر ہارون رشید خان نے موٹر سائیکل سواروں میں ہیلمٹ ، موٹر سائیکل سائیڈ مرر (شیشے) اور ہیلمٹ کے استعمال سے متعلق آگاہی پمفلٹس تقسیم کئے۔ ہیلمٹ کی تقسیم اور شہریوں کو آگاہی دینے کیلئے گلبہار پل پر کوننگ کرکے آگاہی زون بنایا گیا تھا۔ چیف ٹریفک آفیسر ہارون رشید خان نے کہا کہ رواں ہفتے موٹر سائیکل سواروں کو ہیلمٹ کے استعمال سے متعلق آگاہی دینے کا سلسلہ شروع کردیا گیا ہے‘ شہریوں میں مفت ہیلمٹ تقسیم کئے گئے جبکہ ان کو ہیلمٹ کے استعمال سے متعلق آگاہی بھی دی جا رہی ہے۔ انہوں نے کہا کہ آئندہ ہفتے ہیلمٹ کا استعمال نہ کرنیوالوں کے خلاف باقاعدہ کریک ڈاؤن کیا جائے گا۔ آگاہی کا مقصد شہر میں ٹریفک کی روانی یقینی بنانے سمیت ٹریفک حادثات پر قابو پانا ہے ۔ انہوں نے کہا کہ شہریوں کو سفری سہولیات فراہم کرنے کیلئے مختلف اقدامات کئے گئے ہیں ۔ ٹریفک قوانین سے متعلق آگاہی مہم سے ٹریفک کی روانی یقینی ہوگی اور جان لیوا حادثات بھی کم ہوں گے۔ شہری ہیلمٹ کے استعمال کو یقینی بنا کر اپنے سفر کو محفوظ بنا سکتے ہیں۔ انہوں نے کہا کہ ہیلمٹ کے استعمال کے بغیر ڈرائیونگ سے قیمتی جان کے ضیاع کا خدشہ ہوتا ہے۔
