وفاقی حکومت نے جنرل سید عاصم منیر (نشانِ امتیاز ملٹری) کو فیلڈ مارشل کے معزز عہدے پر ترقی دینے کی باضابطہ منظوری دے دی ہے۔ یہ فیصلہ وزیراعظم شہباز شریف کی زیر صدارت وفاقی کابینہ کے اجلاس میں کیا گیا۔ سرکاری اعلامیے کے مطابق، جنرل عاصم منیر کو فیلڈ مارشل کے عہدے پر ترقی ان کی آپریشن بنیان مرصوص کے دوران غیر معمولی تزویراتی منصوبہ بندی اور دشمن کو فیصلہ کن شکست دینے کے اعتراف میں دی گئی ہے۔ ایک اور اہم فیصلے میں، کابینہ نے ایئر چیف مارشل ظہیر احمد بابر سدھو کی خدمات کو جاری رکھنے پر بھی متفقہ طور پر اتفاق کیا، جن کی موجودہ مدت ملازمت تکمیل کے قریب تھی۔
فیلڈ مارشل کا اعزاز ملنے پر اللّٰہ تعالیٰ کا شکر گزار ہوں، یہ اعزاز پوری قوم، افواجِ پاکستان، خاص کر سول اور ملٹری شہداء اور غازیوں کے نام وقف کرتا ہوں۔ صدر پاکستان، وزیرِ اعظم اور کابینہ کے اعتماد کا شکر گزار ہوں۔ یہ اعزاز قوم کی امانت ہے جس کو نبھانے کے لیے لاکھوں عاصم بھی قربان۔ یہ انفرادی نہیں بلکہ افواجِ پاکستان اور پوری قوم کے لئے اعزاز ہے۔ فیلڈ مارشل عاصم منیر کا قوم کا شکریہ
