مشیر صحت خیبر پختونخوا نے پشاور گورنمنٹ جنرل ہسپتال میں میموگرافی سروسز کا افتتاح کر دیا، اب پختونخوا کی عوام دس روپے کی پرچی پر چھاتی کے سرطان کی تشخیص کے لئے میموگرافی خدمات حاصل کرسکتے ہیں۔ پشاور گورنمنٹ جنرل ہسپتال چھاتی کے سرطان کی مُفت تشخیص کرنے والا پہلا ہسپتال بن گیا. ہر سال اکتوبر کا مہینہ چھاتی کے کینسر سے آگاہی کے طور پر منایا جاتا ہے. افتتاحی تقریب کے دوران مشیر صھت ڈاکٹر ریاض انورنے کہا کہ پاکستان بھر میں 8 میں سے 1 خاتون چھاتی کے سرطان کا شکار ہوسکتی ہے.
ملک بھر کے کینسر مریضوں کا 40 فیصد چھاتی کے سرطان کے مریضوں پر مُشتمل ہے. انہوں نے مزید بتایا کہ ملک بھر میں چھاتی کے سرطان کی زیادہ شرح خیبرپختونخواہ میں ہے. چھاتی کے سرطان کے پھیلاو کی بڑی وجہ تشخیص اور آگاہی کا نہ ہونا ہے. بروقت تشخیص سے تابکاری کے زریعے علاج سے بچا جاسکتا ہے. ورلڈ بینک کا شکریہ کہ یہ ہسپتال پختونخوا کی عوام تک مفت خدمات دینے کیلئے چلا رہے ہیں. ڈاکٹرریا ض انور نے بتایا کورونا کیلئے بننے والا یہ ہسپتال اب 12 مُختلف سپیشلیٹیز رکھنے والا ایک مکمل ہسپتال ہے۔
