پشاورڈائریکٹریٹ آف ہائیر ایجوکیشن خیبر پختونخوا کے زیراہتمام انٹر زونل ویمن کرکٹ چیمپئن شپ بے نظیر ویمن یونیورسٹی پشاور میں شروع ہوگئی افتتاحی میچ میں بنوں نے ملاکنڈ کو45 رنز شکست دیدی، باضابطہ افتتاح پاکستان کرکٹ بورڈ ویمن ونگ کی سربراہ تانیہ ملک نے کیا ان کے ہمراہ ایڈیشن ڈائریکٹرہائیرایجوکیشن ڈیپارٹمنٹ خیبرپختونخوا اقبال خان، ڈپٹی ڈائریکٹر ارشد حسین، خیبرپختونخوا کرکٹ ونگ کی کوارڈینیٹر حسینہ، ڈائریکٹر سپورٹس ماریہ ثمین، ڈائریکٹر سپورٹس نجمہ قاضی سمیت دیگر اہم شخصیات موجود تھیں، انٹر زونل ویمن کرکٹ چیمپئن شپ کے پہلے مرحلے میں 170 ٹیموں نے حصہ لیا جس میں ہر زو ن سے فاتح ٹیموں نے انٹر زونل چیمپئن شپ کیلئے کوالیفائی کیا افتتاحی میچ بنوں اور ملاکنڈ زون کے درمیان کھیلاگیا جس میں بنوں ٹاس جیت کر پہلے کھیلتے ہوئے مقرررہ اوورز میں ایک وکٹ نقصان پر 95 رنز بنائے جس میں نسیمہ نے بہتر ین کھیل کامظاہرہ کرتے ہوئے 68 رنز بنائے، جواب میں ملاکنڈ زون کی پوری 50 رنز پر آؤٹ ہوگئی جس میں حسنہ 19 رنز کے ساتھ نمایاں سکور رہی۔ بنوں کی طرف سے ماہ نور نے تین، شاداب نے دونسیمہ اور ثانیہ نے ایک ایک وکٹ حاصل کی، نسیمہ کو بہترین آل راؤنڈ پر پرفارمنس پر ویمن آف دی میچ کا ایوارڈ دیا گیا۔
