جہانگیر خان آل پاکستان نیشنل جونیئر سکواش چیمپئن شپ ‘دوسرا راﺅنڈ مکمل

 صوبائی سکواش ایسوسی ایشن کے زیر اہتمام پہلی جہانگیر خان آل پاکستان نیشنل جونیئر سکواش چیمپئن شپ کے دوسرے راﺅنڈ کے میچ مکمل ہوگئے۔ قمرزمان سکواش کمپلیکس میں ہونیوالے مقابلوں کا افتتاح سکواش لیجنڈ قمرزمان نے کیا تھا ان کے ہمراہ محب اللہ خان‘ سیکرٹری سکواش ایسوسی ایشن منصور زمان۔ فنانس سیکرٹری وزیر محمد، سینئر کوچ و آرگنائزر منور زمان، محمد وسیم اور دیگر شخصیات بھی موجود تھیں، انڈر11، انڈر13 اور انڈر15 میں پہلے کوالیفائنگ راﺅنڈ منعقد ہوا جس کے بعد پہلے راﺅنڈ کے میچ ہوئے اور پھر گزشتہ روز دوسرے راﺅنڈ کے مقابلے مکمل ہوئے دوسرے راﺅنڈ کے انڈر11 کے مقابلوں میں پی اے ایف کے انس رافے، کے پی کے ذوالقرنین، جسیم آفریدی، محمد سمیر‘ احمد شاہجہان،  پی اے ایف کے ایم ریان زمان، آصف علی ناز اور عبدالرحمان نے میچ جیت لئے انڈر13 کے مقابلوں میں آرمی کے ایم فیضان علی، کے پی کے محمد زید، ارمان علی، پی اے ایف کے احمد علی ناز، ایان محبوب، کے پی کے فہد خان، ارباب فہد خان اور ایم فواد خان نے میچوں میں کامیابیاں حاصل کیں جبکہ انڈر15 کے مقابلوں میں پی اے ایف کے محمد شاہ زیب، کے پی کے علی مہد، فواد خالن، پی اے ایف کے عبداللہ شاہ، پنجاب کے سہیل عدنان، کے پی کے عبدالہادی، پنجاب کے عامر عدنان اور کے پی کے دانش سکندر نے میچ جیت کر اگلے راﺅنڈ کے لئے کوالیفائی کرلیا۔