خیبر پختون خواہ حکومت نے سالانہ بجٹ برائے سال 2024 صوبائی اسمبلی میں پیش کر دیا۔ جس کے مطابق سرکاری ملازمین کی تنخواہوں میں 10فیصد ،پینشن میں 10 فیصد اضافے کا اعلان کردیا۔جبکہ نجی سطحی پر اجرت کی رقم میں 4ہزار روپے کا اضافہ کرکے 32 ہزار سے بڑھا کر 36 ہزار روپے کی رقم مقرر کردی ۔ احساس روزگار ، نوجوان پروگرام ، ہنر پروگرام کیلئے 12 ارب مختص ، پروگرام کے تحت 1 لاکھ نوجوانوں کو روزگار ملے گا ۔، احساس اپنا پروگرام کیلئے 3 ارب مختص ، 5 ہزار گھر تعمیر کئے جائے گے ۔ سی آر بی سی پروجیکٹ کیلئے 10 ارب مختص، 3 لاکھ ایکڑ اراضی سیراب ہوگی۔ نجی شعبے کے تعاون سے 4 بڑے منصوبے شروع کرنے کا فیصلہ ۔جس میں پشاور، دیر ، ڈی آئی خان ، بنوں لنک روڈ اور ہکلہ ،یارک موٹر وے شامل ہیں ۔ پشاور بجٹ میں تعلیم کیلئے 362 ارب 68 کروڑ مختص ، صحت کیلئے 232 ارب مختص کئے گئے، خیبرپختونخوا میں آئیر ایمبولینس سروس کا آغاز کیا جائے گا ۔ پشاور انسٹیٹیوٹ آف کارڈیالوجی کا جنوبی اضلاع میں سیٹلائٹ مرکز قائم کیا جائے گا ۔ امن و امان کیلئے 140 ارب 62 کروڑ مختص ،سماجی بہبود کیلئے 8 ارب 11 کروڑ مختص ، صنعت و حرفت کیلئے 7 ارب 53 کروڑ مختص ، سیاحت کیلئے 9 ارب 66 کروڑ مختص کئے۔
![martyred police officer Abdul Rahman](https://voiceofkp.org/wp-content/uploads/2024/09/WhatsApp-Image-2024-09-07-at-15.56.23_a77c4119-280x180.jpg)