محکمہ اوقاف و مذہبی امور خیبرپختونخوا کا رحمت اللعالمین کانفرنس انعقاد کرنے کا فیصلہ کرلیا۔ اس ماہ ربیع الاول میں رحمت اللعالمین حضرت محمد ص کی ولادت کو 15 سو سال مکمل ہونے کو ہیں۔ وزیراعلی خیبرپختونخوا کی ہدایات پر ہر ضلع کی سطح پر رحمت اللعالمین ص کے عنوان سے کانفرنس منعقد کریں گے۔ کانفرنس کا مقصد نئی نسل کو سیرت النبی ص سے روشناس کرانا ہے۔ مجموعی طور پر 38 اضلاع میں رحمت اللعالمین کانفرنسز کا انعقاد ہوگا۔ ضلعی و ڈویژنل لیول پر قرات اور نعت کے مقابلے منعقد کیے جائیں گے۔ سیلاب زدہ اضلاع میں رحمت اللعالمین کانفرنس کے لیے مختص فنڈز مذہبی سیکٹر پر استعمال ہوں گے۔ 12 ربیع الاول کو رحمت للعالمین کانفرنس کا مرکزی پروگرام پشاور میں منعقد ہوگا۔ رحمت اللعالمین کانفرنس کے مہمان خصوصی وزیر اعلی خیبرپختونخوا ہوں گے۔