محکمہ تعلیم خیبر پختونخوا کی طرف سے وجیلنس و تعمیل کمیٹی قائم کی گئی۔ کمیٹی کے ممبران میں محکمہ تعلیم کے ایڈیشنل سیکرٹری اسٹیبلشمنٹ، ایڈیشنل سیکرٹری مانیٹرنگ، ڈائریکٹر ایجوکیشن، ڈپٹی سیکرٹری مانیٹرنک اور سیکشن آفیسر انکوائری شامل۔ کمیٹی کے ٹی او آرز میں شامل ہے کہ کمیٹی ان تمام پوسٹنگ/ ٹرانسفرز جن کے آرڈرز محکمہ تعلیم کے ڈائریکٹوریٹ اور ڈسٹرکٹ ایجوکیشن آفسز نے دو سالہ دورانیہ پالیسی میں جاری کئے ہیں ان پر من و عن عمل درامد یقینی بنانا۔ اسی طرح ان تمام آفیسرز، اہلکاروں اور منسٹیریل سٹاف جن کی دو سالہ دورانیہ پالیسی میں تبادلے ہو چکے ہیں اور انہوں نے آرڈرز پر عمل نہیں کیا۔ ان کی نشاندہی کرنا اور ای این ڈی رولز کے مطابق ان کے لئے سزا کا تعین کرنا۔ اس کے علاوہ ان تمام ملازمین کی نشاندہی کرنا جو دو سالہ دورانیہ پالیسی میں ٹرانسفر سے رہ گئے ہیں اور ان کی ٹرانسفر پوسٹنگ کے لیے تجاویز مرتب کرنا۔ کمیٹی کو ہدایت ہے کہ ان ملازمین کی معلومات بھی اکٹھی کرنا جو کہ ٹرانسفر پوسٹنگ یا ان کی منسوخی کے لئے سیاسی اثر رسوخ استعمال کرتے ہیں۔ اور ان ملازمین کے خلاف خیبر پختونخوا سروس کنڈکٹر رولز1987 رول نمبر 22 کے تحت تعدیبی کاروائی کیلئے تجاویز مرتب کرنا۔اس کے ساتھ ساتھ محکمہ تعلیم کے صوبائی اور ضلعی دفاتر میں بدعنوانی کے متعلق معلومات اکٹھی کرنا اور ان میں ملوث ملازمین کے خلاف کاروائی کرنا۔ بھی کمیٹی کے زمہ داریوں میں شامل ہیں۔
