خیبرپختونخوا حکومت نے جدید آئی ٹی اسکلز کے ذریعے نوجوانوں کو با روزگار بنانے کیلئے ایک اور اہم سنگ میل عبور کرلیا ہے۔ صوبائی حکومت کا یوتھ ایمپلائمنٹ پروگرام کے تحت دو ہزار سے زائد نوجوانوں نے آئی ٹی کے شعبے میں جدید ٹریننگ مکمل کر لی ہے۔ وزیر اعلیٰ ہاؤس میں منعقدہ ایک تقریب میں ان گریجویٹس کو اسناد دی گئیں۔ تقریب میں صوبائی اراکین کابینہ، چیف سیکرٹری، محکمہ انفارمیشن ٹیکنالوجی کے حکام اور طلبہ نے شرکت کی۔ یوتھ ایمپلائیمنٹ پروگرام کے تحت نوجوانوں نے آرٹیفیشل انٹیلیجنس، گیم ڈیویلپمنٹ، کلاؤڈ کمپیوٹنگ، اینیمیشن اور ویب ڈیویلپمنٹ جیسے شعبوں میں بین الاقوامی معیار کی ٹریننگ حاصل کی۔ اسی طرح صوبائی حکومت کے ڈیجیٹل انٹرنشپ پروگرام کے تحت 180 نوجوانوں نے بھی اپنی انٹرنشپ مکمل کر لی۔ واضح رہے کہ ڈیجیٹل انٹرنشپ پروگرام کے تحت اس سے قبل دو ہزار سے زائد نوجوانوں کو نامور آئی ٹی کمپنیوں میں آن بورڈ کیا جا چکا ہے۔جن میں سے 67 فیصد نوجوان مختلف کمپنیوں میں ملازمتیں حاصل کرنے میں کامیاب رہے ہیں۔

وزیر اعلیٰ خیبر پختو نخواکا دوران تقریب بتایا کہ “نوجوانوں کیلئے روزگار کے مواقع فراہم کرنا کسی بھی حکومت کی اہم ذمہ داری ہے۔” حکومت سب کو سرکاری ملازمتیں نہیں دے سکتی لیکن ان کیلئے نجی شعبے میں مواقع ضرور پیدا کر سکتی ہے۔آج کل انفارمیشن ٹیکنالوجی کا دور ہے اور اس شعبے میں روزگار کے بے شمار مواقع موجود ہیں۔ ہماری حکومت شروع دن سے نوجوانوں کو جدید ڈیجیٹل اسکلز سکھانے کیلئے ٹھوس اقدامات اٹھا رہی ہے۔  وزیر اعلیٰ خیبر پختو نخوا نے اس بات پر زور دیا کہ نوجوانوں کو جدید ٹریننگ دی جا رہی ہے تاکہ وہ ڈیجیٹل اسکلز کے ذریعے گھر بیٹھ کر دنیا کے کسی بھی ملک کے ساتھ آن لائن کام کر سکیں۔ اختتامی  “ہم نوجوانوں پر سرمایہ کاری کر رہے ہیں تاکہ انہیں خود مختار اور حقیقی اثاثہ بنائیں۔