لکی مروت: پاک فوج ومقامی مشران کے مابین امن جرگہ

لکی مروت سب ڈویژن بیٹنی پاک فوج کے مقامی یونٹ کمانڈر نے لکی مروت کے علاقے شادی خیل بیٹنی میں مقامی ملک مشران کے ساتھ ایک امن جرگہ منقعد کیا۔جرگے میں ایس ڈی بیٹنی کی مجموعی سیکورٹی صورتحال اور بالخصوص شادی خیل گاؤں کے درپیش مسائل کے بارے میں مقامی لوگوں اور قومی مشران کے ساتھ بات چیت کی گئی۔ مقامی لوگوں کی غیر اطلاعاتی نقل و حرکت سے متعلق مسئلہ پر توجہ دی گئی۔مقامی لوگوں سے کہا گیا کہ وہ رات 9بجے کے بعد علاقے میں بغیر اطلاع سفر کرنے سے گریز کریں اور کسی بھی ہنگامی صورتحال میں سیکورٹی فورسز کو جلد اطلاع دیں۔مقامی یونٹ کمانڈر نے قومی مشران کو یقین دلایا کہ پاک فوج مقامی آبادی کی فلاح و بہبود کیلئے سماجی اور معاشرتی منصوبے جیسے کہ فری میڈیکل کیمپ، کمیونٹی پارکس کی تعمیر، راشن کی تقسیم، طلباء کے مطالعاتی دورے وغیرہ جاری رکھے گی۔مقامی لوگوں نے ان کے مسائل کے بارے میں پوچھنے اور ان کے ساتھ باقاعدگی سے بات چیت کرنے پر فوج کا شکریہ ادا کیا۔