مردان گورنمنٹ ہائر سیکنڈری اسکول خیر آباد میں منشیات خصوصاً آئس کے خلاف آگاہی مہم کا انعقاد کیا گیا۔ تقریب میں ایس ایچ او تھانہ رستم داؤد خان نے طلبہ سے خطاب کرتے ہوئے کہا کہ آئس اور دیگر منشیات نوجوان نسل کے مستقبل کیلئے زہر قاتل ہیں۔ انہوں نے طلبہ کو اس لعنت سے دور رہنے اور اپنی تعلیم و مثبت سرگرمیوں پر توجہ مرکوز کرنے کی تلقین کی۔ پولیس افسران نے شرکاء کو آئس کے نقصانات اور اس کے خلاف حکومتی اقدامات سے بھی آگاہ کیا۔ اسکول انتظامیہ، اساتذہ، طلبہ اور سول سوسائٹی کے افراد نے اس مہم کو سراہتے ہوئے پولیس کے کردار کی تعریف کی۔
