مردان بورڈ نتائج: مجموعی کامیابی 84.48 فیصد رہی
مردان تعلیمی بورڈ نے انٹر کے سالانہ امتحانات کے نتائج کا اعلان کر دیا ہے جس کے مطابق مجموعی کامیابی 84.48 فیصد رہی۔
بورڈ کو ٹاپ کرنے والی طالبہ دی پیس سکول کی انشرح حیات (رول نمبر 607536) ہیں جنہوں نے 1150 مارکس حاصل کیے۔ دوسری پوزیشن دی قائد اعظم گروپ آف کالجز صوابی کی ماہین چاند (رول نمبر 605099) نے 1149 مارکس کے ساتھ حاصل کی۔ تیسری پوزیشن دی قائد اعظم گروپ کالج صوابی کے طالب علم کاشف خان (رول نمبر 623486) اور بریلینٹ سکول کاٹلنگ کی حناد نور (رول نمبر 620250) نے 1147 مارکس کے ساتھ مشترکہ طور پر حاصل کی۔
نتائج کا اعلان تعلیمی بورڈ کے چیئرمین پروفیسر جھانزیب نے کیا۔ تقریب میں سیکرٹری ایجوکیشن محمد خالد خان مہمان خصوصی تھے جبکہ کمشنر مردان ڈویژن نثار احمد، والدین اور طلباء و طالبات کی بڑی تعداد بھی شریک رہی۔ نمایاں پوزیشن ہولڈرز میں انعامات بھی تقسیم کیے گئے۔
