مردان: ایجوکیشن بورڈ انٹرمیڈیٹ نتائج اعلان

مردان ایجوکیشن بورڈ نے ایف اے/ ایف ایس سی امتحانات کے نتائج کا اعلان کردیا۔ دی پیس سکول اینڈ کالج نوشہرہ کی طالبہ رمشا حجاب نے 1147 نمبر لیکر میدان مار لیا۔ دی قائداعظم کالج پار بوائز مردان کے طالب علم نے جبران خان نے 1146 نمبر لیکر دوسری پوزیشن حاصل کی۔ مسلم ہائیر سیکنڈری سکول گجرات کی طالبہ فائزہ بی بی نے 1145 نمبر لیکر تیسری پوزیشن حاصل کرلی۔ امتحانات میں کل 89 ہزار سے زائد طلباء و طالبات نے حصہ لیا تھا۔ پارٹ ون میں کل 46 ہزار 331 طلباء نے حصہ لیا جس میں 37 ہزار 998 طلباء و طالبات پاس ہوئے۔ پارٹ ٹو میں کل 42 ہزار 873 طلباء و طالبات نے حصہ لیا جس میں 40 ہزار 105 طلباء و طالبات پاس ہوئے۔ ایف اے پارٹ ون نتائج 82 فیصد جبکہ پارٹ ٹو رزلٹ نتائج 93.54 فیصد رہا۔ نتائج کے موقع پر ایجوکیشن بورڈ میں پر وقار تقریب کا انعقاد۔ تقریب کے مہمان خصوصی کمشنر مردان ڈویژن جاوید مروت تھے۔