ٹریفک پولیس مردان کا چنگ چی رکشوں اور تیز رفتار گاڑیوں کی تعداد محدود کرنے اور رش کم کرنے کے لیے خصوصی مہم کا آغاز۔ مردان میں بڑھتے ہوئے چنگ چی رکشوں اور تیز رفتار گاڑیوں کی تعداد کو محدود کرنے کے لیے ٹریفک پولیس مردان نے اہم اقدام اٹھایا ہے۔ ڈسٹرکٹ پولیس آفیسر ظہور بابر آفریدی کے خصوصی احکامات پر ڈی ایس پی ٹریفک سعادت خان کی نگرانی میں انچارج ٹریفک وارڈن پولیس عمران خان نے شہر کے مخصوص روٹس کے لیے رنگین کارڈز اور بورڈز کا اجرا کیا۔ اس مہم کے تحت ڈرائیورز کو واضح ہدایات دی گئیں کہ وہ صرف اپنے جاری کردہ روٹس پر گاڑیاں چلائیں تاکہ ٹریفک کے نظام کو مزید بہتر اور رش کو کم کیا جا سکے۔ جلد ہی اس مہم کے مکمل ہونے کے بعد شہر کی تمام شاہراہوں پر چنگ چی رکشوں کی تعداد کو محدود کر دیا جائے گا، جس کے نتیجے میں ٹریفک کے بہاؤ میں نمایاں بہتری آئے گی اور شہریوں کو سہولت فراہم ہوگی۔
بنوں: انسداد پولیو مہم کا آغاز
February 3, 2025
