ایبٹ آباد کے سٹی اسپورٹس کمپلیکس میں ضلعی اسپورٹس آفس اور ضلعی انتظامیہ کے اشتراک سے مارشل آرٹس گالا کا شاندار آغاز ہوگیا۔ ڈپٹی کمشنر ایبٹ آباد کیپٹن (ر) ثناء اللہ خان نے افتتاح کیا، جبکہ آر ایس او احمد زمان خان اور ڈسٹرکٹ اسپورٹس آفیسر جنید الرحمن بھی ہمراہ تھے۔
تقریب میں تائیکوانڈو، مکس مارشل آرٹس، ووشو اور جوڈو کے شاندار مقابلے منعقد ہوئے۔ ڈپٹی کمشنر نے نوجوانوں کو مثبت سرگرمیوں میں مشغول رکھنے کو وقت کی اہم ضرورت قرار دیا اور کہا کہ نوجوان ہمارا قیمتی اثاثہ ہیں۔ ضلعی انتظامیہ اور اسپورٹس ڈیپارٹمنٹ نوجوانوں کو سہولیات فراہم کرتے رہیں گے تاکہ وہ ملکی اور عالمی سطح پر کامیابیاں حاصل کر سکیں۔
