ہری پور: موٹروے پولیس کیجانب سے روڈ سیفٹی سیمینار کا انعقاد

موٹروے پولیس کا خُبَّیب سکول اینڈ انسٹیٹیوٹ آف میڈیکل سائنسز ہری پورمیں روڈ سیفٹی سیمینار کا انعقاد کیا گیا۔ یاد رہے یہ ادارہ بڑی تعداد میں یتیم اور بے سہارا بچوں کی تعلیم و تربیت اور کفالت کرتا ہے۔ روڈ سیفٹی سیمینار کا مقصد عملی زندگی میں پیش آنے والے چیلنجز سے نپٹنے میں بچوں کی مدد و راہنمائی کرنا تھا۔ سیمینار کے دوران بچوں کو ملٹی میڈیا پریزنٹیشن کی مدد سے ٹریفک رولز اور ان کی اہمیت سمجھائی گئی۔ پریزنٹیشن کے بعد ایس پی ہزارہ موٹروے سجاد بھٹی نے بچوں کے سوالات کے جوابات دیے۔ اسی طرح بچوں کی دلچسپی کے لیے روڈ سیفٹی سٹال کا انعقاد بھی کیا گیا جس میں بچوں نے خصوصی دلچسپی لی۔ ایس پی سجاد بھٹی نے بچوں سے مخاطب ہو کر روڈ سیفٹی کی اہمیت اجاگر کی اور بتایا کہ کیسے ٹریفک رولز پر عمل درامد کر کے وہ خود اور دوسروں کی زندگی محفوظ بنا سکتے ہیں۔ بچوں نے تائی کوانڈو شو بھی پیش کیا۔ٓآخر میں بچوں میں تحائف تقسیم کیے گئے۔