جامعہ پشاور کے شعبہ کریمنالوجی کے زیراہتمام تین روزہ قومی کانفرنس پیر سے شروع ہوگٸی. پیر سے شروع ہونے والی کانفرنس میں پٍچاس سے زاٸد مقالے پیش کٸے جاٸیں گے۔ تین روزہ کانفرنس میں قانون کے نفاز میں بدلتے رجحانات, تقاضے اور درپیش چیلنجز کا موضوع سخن زیر بحث ہوگا۔ پیر کی صبح صوباٸی وزیر براۓ اعلی تعلیم مینا خان آفریدی مہمان خصوصی ہونگے جبکہ واٸس چانسلر جامعہ پشاور پروفیسرمحمد نعیم قاضی , انسپکٹر جنرل جیل خانہ جات محمد محسود خان ,وفاقی شریعت عدالت کے جسٹس پروفیسر قبلہ ایاز ,أٸی سی آر سی کی زرتاشہ قیصر خان افتتاحی سیشن میں خطاب کریں گے۔
جامعہ پشاور کے شعبہ کریمنالوجی کے زیر اہتمام تین روزہ قومی کانفرنس سر صاحبزادہ عبدالقیوم تھیٹر ہال میں شروع ہو رہی ہے۔ کانفرنس میں اب تک تین درجن سے زاٸد جامعات کے مندوبین پچاس سے زاٸد مقالے منگل کے روز پیش کریں گے کانفرنس کا عنوان ”قانون کے نفاز میں بدلتے رجحانات, تقاضے اور درپیش چیلنجز” ہوگا جس میں مندوبین ملکی سطح پر جاری تحقیق کو پیش کریں گے جس میں بہترین مقالہ جات کو کتابی شکل دی جاۓ گی ۔ کانفرنس کے سیکرٹری ڈاکٹر ابرار خان اور چیف آرگناٸزر پروفیسر بشارت حسین کے مطابق ,خیبر پختونخواہ کے اولین تدریسی شعبہ کی حیثیت سے ان کا شعبہ اپنی زمہ داریوں سے بخوبی واقف ہے اور اپنی تاسیس سے اب تک تیسری کانفرنس کے انعقاد سے ملکی سطح پر قانون نافذ کرنے والے اداروں اور محقیقین کے درمیان ایک موثر رابطہ کاری کا فروغ اور ملکی سالمیت کو مستحکم کرنا شامل ہے۔
