پشاور میں جشن عید میلادالنبیؐ پر پاک فوج کی 21 توپوں کی سلامی
صوبائی دارالحکومت پشاور میں جشن عید میلادالنبیؐ کے موقع پر پاک فوج کی جانب سے 21 توپوں کی سلامی دی گئی۔ پاک فوج کے چاق و چوبند دستے نے اللہ اکبر کے نعرے سے سلامی کا آغاز کیا جس کے بعد فضا نعرہ تکبیر، پاکستان زندہ باد اور افواجِ پاکستان پائندہ باد کے فلک شگاف نعروں سے گونج اٹھی۔ اس موقع پر شہریوں کی بڑی تعداد بھی موجود تھی جنہوں نے والہانہ انداز میں اس روح پرور لمحے کو سراہا۔
