پی ڈی ایم اے موسمی انتباہ

خیبرپختونخوا کے بیشتر اضلاع میں پیر کے روز سے مون سون بارشوں کا نیا سلسلہ شروع ہونے کا امکان ہے۔ 25 اگست کی رات سے طاقتور مون سون ہوائیں صوبے کے بالائی اور وسطی علاقوں میں داخل ہوں گی۔ دیر،چترال،سوات، کوہستان، مالاکنڈ، باجوڑ، شانگلہ، بٹگرام، بونیر،کوہاٹ، باجوڑ، مہمند،خیبر، مانسہرہ، ایبٹ آباد، ہریپور، مردان، چارسدہ
پشاور،ہنگو، کرم، جنوبی و شمالی وزیرستان، بنوں اورڈی آئی خان میں تیزہواؤں اورگرج چمک کیساتھ موسلادھار بارش کا امکان ہے۔ بارشوں کا یہ نیا سلسلہ بدھ 28 اگست تک وقفے وقفے سے جاری رہے گا۔ 26 سے 28 اگست کے دوران بارشوں کے باعث صوبہ کے بالائی اضلاع میں لینڈ سلائیڈنگ،وسطی/ میدانی علاقوں میں طغیانی/فلش فلڈ/اربن فلڈنگ کا بھی خطرہ ہے۔ پی ڈی ایم اے کی جانب سے تمام ضلعی انتظامیہ کو موسمی صورتحال کے پیش نظر الرٹ جاری ہے۔ ضلعی انتظامیہ کو آندھی/جھکڑ چلنے اورگرج چمک کے باعث کسی بھی ناخوشگوار واقعے سے پیشگی نمٹنے کیلیے ہدایات جاری کردیں۔ کسی بھی نا خوشگوار واقعے سے پیشگی نمٹنے کیلئے ضلعی انتظامیہ کو چھوٹی بڑی مشینری کی دستیابی یقینی بنانے کی بھی ہدایت ہے۔