پشاور: اسلامیہ کالجیٹ سکول میں سالانہ سپورٹس گالا کا شاندار آغاز

اسلامیہ کالجیٹ اسکول کے سالانہ اسپورٹس گالا کا شاندار آغاز ہوا، جس کی افتتاحی تقریب میں چیئرمین BISE پشاور، پروفیسر نصراللہ خان مہمانِ خصوصی تھے، جبکہ معروف ٹیسٹ کرکٹر ریاض آفریدی ڈاکٹر شبیراحمد ایڈمنسٹریٹر آفیسر اور ڈائریکٹرسپورٹس علی ہوتی نے بھی شرکت کی۔ اس موقع پر چیئرمین نصر اللہ کا کہنا تھا کہ میں آج جو کچھ بھی ہوں اسلامیہ کالجیٹ اساتذہ کی وجہ سے ہوں اور اس لحاظ سے اپنے آپ کو خوش قسمت تصور کرتا ہوں جبکہ سابق کریکٹر ریاض آفریدی کا کہنا تھا یہ آج جو میی اور میرا بھائی شاہین شاہ آفریدی جس مقام پر ہیں وہ اسلامیہ کالج کی وجہ سے ہیں تقریب کا آغاز فوجی پریڈ، پی ٹی شو اور دیگر رنگا رنگ سرگرمیوں سے ہوا، جنہوں نے شرکا اور حاضرین میں جوش و خروش پیدا کر دیا۔ اسکول کے پرنسپل، جناب سکندر خان، نائب پرنسپل محمد حیات خان اور مسٹر روح اللہ نے معزز مہمانوں کا شکریہ ادا کیا اور کھیلوں کے فروغ میں ان کی دلچسپی اور تعاون کو سراہا۔ پرنسپل نے خصوصی طور پر وائس چانسلر پروفیسر ڈاکٹر علی محمد یوسفزئی کا بھی شکریہ ادا کیا، جنہوں نے اس ایونٹ میں گہری دلچسپی لی۔تقریب کا ایک سنسنی خیز لمحہ اساتذہ کے درمیان رسی کشی کا مقابلہ تھا، جس میں ڈاکٹر عنایت الرحمن اور ان کی ٹیم نے شاندار فتح حاصل کی۔ اسی طرح 100 میٹر دوڑ میں مسٹر عبد الرحیم نے بہترین کارکردگی کا مظاہرہ کرتے ہوئے پہلی پوزیشن حاصل کی۔ طلبہ کا ڈسپلن مثالی رہا، جس نے پورے ایونٹ کو منظم اور پر وقار بنایا۔اسٹیج کی ذمہ داریاں ڈاکٹر شہزاد اور ڈاکٹر صبرہ خان نے نہایت احسن طریقے سے نبھائیں، جس سے پورا پروگرام منظم اور خوش اسلوبی سے مکمل ہوا۔ یہ شاندار افتتاحی تقریب مسابقتی مقابلوں کے سلسلے کی شروعات تھی، جس نے طلبہ اور اساتذہ میں کھیلوں کی روح، ٹیم ورک اور اسپورٹس مین شپ کو مزید فروغ دیا۔