پنجاب اور کے پی نے سیمی فائنل کیلئے کوالیفائی کرلیا

ڈائریکٹوریٹ آف سپورٹس یونیورسٹی کے زیراہتمام وزیراعظم یوتھ ٹیلنٹ ہنٹ نیشنل ہینڈ بال لیگ میں پنجاب اور خیبرپختونخوا کی ٹیموں نے سیمی فائنل کیلئے کوالیفائی کرلیا۔  پشاور یونیورسٹی گراؤنڈ پر گزشتہ روز کھیلے گئے لیگ میچز میں پنجاب گرین نے بلوچستان گرین کو 33-17 اور سندھ نے فیڈرل کو 11-8 شکست دیدی۔ کے پی گرین نے سندھ گرین کو 12کے مقابلے 37،پنجاب گرین نے فیڈرل گرین کو8 کے مقابلے میں 45،کے پی وائٹ نے سندھ وائٹ کو 14کے مقابلے میں 20،پنجاب وائٹ نے کے پی وائٹ کو 12 کے مقابلے میں 37گول سے شکست دی ۔جبکہ بلوچستان وائٹ اور فیڈرل وائٹ کی ٹیموں کے درمیان میچ 18-18گول سے برابر رہے۔ اس موقع پر صوبائی ہینڈ بال ایسوسی ایشن کے صدر اور ڈائریکٹر سپورٹس پشاور یونیورسٹی بحر کرم، ایڈیشنل رجسٹرار ڈاکٹر نورزادہ،عبدالرشید انور، احسن خان، سجاد خان،پاکستان ہینڈ بال فیڈریشن کے عہدیداران اور ہائر ایجوکیشن کمیشن کے نمائندے بھی موجود تھے۔